Reglugerð

Í Húsinum hava vit nakrar heilt greiðar reglar at halda okkum til. Hetta er gjørt soleiðis, at pláss er fyri okkum øllum í húsinum.

Umframt almennu reglugerðina hava vit eisini reglar fyri hvørt rúmið sær, og hanga hesar við hurðina til hvørt rúm.

Brot á reglarnar fáa hóskandi avleiðingar, sum í ringasta føri kann vera ein tíðaravmarkað burturvísing (karantena) frá Húsinum.
 

Almenna reglugerðin:

Vit hava virðing fyri hvør øðrum

Vit eru góð við hvønn annan

Vit hjálpa hvør øðrum

Vit siga okkara meining

Kul orð eru: Hellegens, Dekan, Píka, Sørin, Doohhh…

Vit lata ting hjá øðrum fáa frið

Vit rudda upp eftir okkum og sløkkja ljósið, tá vit fara

Vit roykja ikki

Vit nýta ikki rúsevni
 

Royking ella nýtsla av rúsevnum í Húsinum geva burturvísing í ein heilan mánaða. Hetta verður gjørt uttan nakað kjak yvirhøvur, tá vit undir ongum umstøðum loyva slíkum!

Umframt hesa reglugerð hava vit eina krukku standandi, sum vit kalla ”Budinga- og Saftkrukkan”. Hon verður tikin í nýtslu, tá onkur bannar ella er ósømiligur í Húsinum.

Hvørt banniorð verður sektað við eini bót áljóðandi 2 krónir.

Harafturat loyva vit heldur ikki, at nakað drekkandi ella etandi verður tikið við á ovaru hæddina í Húsinum.

Finna vit nakað tílíkt á ovaru hæddini, verður hetta uttan ávaring tveitt í ruskspannina.